ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സ് എഫ്‌സിക്കെതിരെ മുംബൈ സിറ്റി എഫ്‌സിക്ക് 4-2 ൻ്റെ വിജയം. ആവേശകരമായ മത്സരത്തിൽ നഥാൻ റോഡ്രിഗസിൻ്റെയും ലാലിയൻസുവാല ചാങ്‌തെയുടെയും അവസാന ഗോളുകൾ വിജയം ഉറപ്പിച്ചു. നിക്കോളാസ് കരേലിസ് രണ്ട് ഗോളുകൾ മുംബൈക്ക് വേണ്ടി നേടിയപ്പോൾ ക്വാമെ പെപ്രയും ജീസസ് ജിമെനെസും കേരളത്തിനായി സ്കോർ ചെയ്തു. അതേസമയം, പെപ്രയുടെ ചുവപ്പ് കാർഡ് കേരളത്തിൻ്റെ കുതിപ്പിനെ ബാധിച്ചു. മത്സരശേഷം ബ്ലാസ്റ്റേഴ്സ് പരിശീലകൻ പ്രതികരിച്ചു.
നിക്കോളാസ് കരേലിസ് മുംബൈയ്ക്കായി നിർണായകമായി രണ്ട് തവണ വലകുലുക്കി, 9-ആം മിനിറ്റിൽ ചാങ്‌തെയുടെ സമയബന്ധിതമായ അസിസ്റ്റിനെ തുടർന്ന് ആദ്യ ഗോൾ എത്തി. 55-ാം മിനിറ്റിൽ കരേലിസ് ലീഡ് വർദ്ധിപ്പിച്ചു, പെപ്രയുടെ ഹാൻഡ് ബോളിനെ തുടർന്ന് ലഭിച്ച പെനാൽറ്റി ഗോളാക്കി മാറ്റി. 57-ാം മിനിറ്റിൽ ക്വാമെ പെപ്രയെ ബോക്സിൽ ഫൗൾ ചെയ്തതിന് ലഭിച്ച പെനാൽറ്റി ജീസസ് ജിമെനെസ് വലയിലെത്തിച്ച് ആവേശകരമായ മറുപടിയാണ് കേരള ബ്ലാസ്റ്റേഴ്‌സിന് ലഭിച്ചത്. പിന്നീട് 71-ാം മിനിറ്റിൽ അഡ്രിയാൻ ലൂണയുടെ അസിസ്റ്റിൽ തലവെച്ച് പെപ്ര സമനില പിടിച്ചു. എന്നിരുന്നാലും, പെപ്ര ചുവപ്പ് കണ്ടതോടെ
കേരളത്തിൻ്റെ മുന്നേറ്റം നിലച്ചു, അവർ 10 പേരായി ചുരുങ്ങി. മിനിറ്റുകൾക്ക് ശേഷം, ഒരു കോർണറിൽ നിന്നുള്ള അയഞ്ഞ പന്ത് റോഡ്രിഗസ് മുതലെടുത്ത് മുംബൈയുടെ മുൻതൂക്കം പുനഃസ്ഥാപിച്ചു, 90-ാം മിനിറ്റിൽ ചാങ്‌ടെയുടെ പെനാൽറ്റി അത് കൂടുതൽ ഉറപ്പിച്ചു. എന്നാൽ, മത്സര ശേഷം പ്രതികരിക്കവേ കേരള ബ്ലാസ്റ്റേഴ്സ് പരിശീലകൻ മൈക്കിൾ സ്റ്റാറെ തന്റെ ടീമിന്റെ പ്രകടനം മോശമായിരുന്നു എന്ന് തുറന്നു സമ്മതിച്ചു. മാത്രമല്ല, എതിരാളികളായ മുംബൈ സിറ്റി മികച്ച നിലവാരത്തിൽ കളിച്ചു എന്നും അദ്ദേഹം പറഞ്ഞു. “അവർ (മുംബൈ) നന്നായി ഉയർന്നു, ഞങ്ങൾ മോശം പ്രകടനം കാഴ്ചവച്ചു. ആദ്യ പകുതിയിൽ
ഞങ്ങൾ ആക്രമണോത്സുകവും സ്ഥിരതയുള്ളവരുമായിരുന്നില്ല,” മൈക്കിൾ സ്റ്റാറെ പറഞ്ഞു. അതേസമയം, മുംബൈയ്ക്കെതിരെ പെപ്ര മൈതാനത്ത് നടത്തിയ പ്രകടനം തന്നെ തൃപ്തനാക്കി എന്ന് പറഞ്ഞ കേരള ബ്ലാസ്റ്റേഴ്സ് പരിശീലകൻ, മുംബൈ ഫുട്ബോൾ അരീനയിൽ നടന്ന മത്സരത്തിൽ കേരള ബ്ലാസ്റ്റേഴ്സിനെ കുഴപ്പത്തിലാക്കിയതും പെപ്ര തന്നെയാണെന്ന് അദ്ദേഹം കൂട്ടിച്ചേർത്തു. കൂടാതെ, പരിക്ക് മൂലം കഴിഞ്ഞ രണ്ട് മത്സരങ്ങളും നഷ്ടമായ നോഹ സദോയ് പരിശീലനത്തിൽ തിരിച്ചെത്തിയിട്ടുണ്ട് എന്നും, കളിക്കാൻ ഇറങ്ങാൻ സമയം എടുത്തേക്കും എന്നും കേരള ബ്ലാസ്റ്റേഴ്സ് പരിശീലകൻ സ്റ്റാറെ പറഞ്ഞു.
Mikael Stahre 🗣️ “They (Mumbai) came up really well & we performed poorly. We were not aggressive and stable enough in the first half.” #KBFC
— KBFC XTRA (@kbfcxtra) November 3, 2024
Summary: Kerala Blasters coach analysis their loss against Mumbai City